2-4 лістапада
ФОРУМ
КАНФЕРЭНЦЫЯ
8-13 кастрычнiка
ВАРКШОП
26 кастрычніка
Две розныя, але тыповыя гарадскія прасторы – стыхійны прадуктовы рынак і ажыўленую цэнтральную вуліцу – можна знайсці ў кожным беларускім горадзе. Часцяком, маючы вялікі патэнцыял, яны выглядаюць і працуюць далёка не так, як нам хацелася б.

На прыкладзе двух канкрэтных мінскіх кейсаў – Бульвар Трактарабудаўнікоў і вуліца Карла Маркса – мы прапануем вызначыць траекторыі развіцця гэтых тыпаў грамадскіх прастор з далейшай перспектывай рэалізацыі распрацаваных ідэй.

Варкшоп складаецца з двух частак: лекцыйны блок і групавая праца з запрошанымі т'ютарамі. Вынікі працы будуць прэзентавацца шырокай аўдыторыі і камісіі экспертаў, а таксама публікавацца ў медыях.

Удзел у варкшопе бясплатны, пры патрэбе ўдзельнікам і ўдзельніцам з іншых гарадоў Беларусі пакрываюцца выдаткі на пражыванне ў Мінску.


Варкшоп будзе праходзіць з 8 па 13 кастрычніка, 10:00-20:00
РЭГІСТРАЦЫЯ УДЗЕЛЬНІКАЎ ЗАКРЫТА
ПРА ВАРКШОП
Мы прынялі 74 заяўкі з 8 гарадоў!
Будзе адабрана 20 удзельнікаў. Усім зарэгістраваным будуць адпраўленыя лісты з адказам
КРЫСТАФ ШМІТ
IFAU – гэта працоўная група архітэктараў у Берліне, якая факусуецца на міждысцыплінарных праектах у вобласці архітэктуры і гарадскога дызайну. Іх гнуткая метадалогія аб'ядноўвае даследчыя праекты і інтэрвенцыі ў гарадскім асяроддзі. IFAU імкнуцца з дапамогай кантэкстуальных працэсаў, адрозненняў і разнастайнасці стварыць прастору для дыялогу ў галіне распрацоўкі гарадскога дызайну. Сярод праектаў, у якіх яны ўзялі ўдзел – Palais Thinnfeld у Грацы (Аўстрыя), Casco – Office for Art, Design and Theory ва Утрэхце (Нідэрланды), The Showroom у Лондане, Artists Space і Goethe Institute – Wyoming Building у Н'ю-Ёрку, R50-cohousing у Берліне.
КЕЙСЫ
Т'ютары
Сезонны рынак
Спантанныя рынкі часта з'яўляюцца ў месцах з інтэнсіўным плывам пешаходаў: жанчыны і мужчыны розных узростаў прадаюць гародніну, садавіну, грыбы і мяса, арганізуюць невялікія барахолкі непасрэдна ля выйсцяў з метро, побач з ажыўленымі прыпынкамі і ўжо наяўнымі рынкамі. Адзін з такіх спантанных рынкаў вырас на бульвары Трактарабудаўнікоў у пасёлку Трактарнага завода ў Мінску (гл. матэрыял «Ларьки и павильоны в постсоветских городах: сценарии эволюции»)


Бульвар Трактарабудаўнікоў – галоўная пешаходная артэрыя пасёлка, што вядзе ад выхада з метро, прыпынку трамвая і прахадной Мінскага трактарнага завода ўглыб раёна. Бульвар мае ролю грамадскага цэнтра пасёлка, чый патэнцыял яшчэ мае быць раскрыты. Гэты кейс для варкшопа прапанавала Дар'я Сапранецкая, журналістка, якая надалей плануе рэалізоўваць ідэю сезоннага рынку на гэтым месцы.



«Районы, кварталы. Поселок МТЗ: соцгородок, который хотят уничтожить»


Дар'я Сапранецкая, журналістка:

Увосень мы сям'ёй плануем пераехаць на Трактарны завод. Мне вельмі падабаецца гэты раён і здаецца, што можна прынесці туды крыху больш жыцця. Там на бульвары Трактарабудаўнікоў раюе нелегальны гандаль. Улады хочуць яго "ўзаконіць" і паставіць полікарбанатныя шапікі. І мне ад гэтага сумна. Месца добрае, з прыгожай перспектывай і зручнай лакацыяй. Мне б хацелася ўладкаваць там фермерскі рынак па выходных. Каб можна было прыехаць сям'ёй, пагутарыць з вытворцамі, з'есці вулічнай ежы, пагуляць побач у гарадкі, прагуляцца па раёне, пазнаць яго гісторыю... то бок не як на Камароўку, а прабавіць час.


Асноўнае заданне зараз — прапанаваць некалькі варыянтаў канцэпцыі функцыянавання рынку і яго прасторавага вырашэння, прымальных для ўсіх зацікаўленых бакоў: мясцовых жыхароў, прадаўцоў, адміністрацыі. Паспяхова зрэалізаваная канцэпцыя функцыянавання рынку можа надалей быць узята за аснову пры працы з падобнымі сітуацыямі ў іншых месцах Мінска і гарадох Беларусі.
Адзін з заснавальнікаў IFAU (Інстытут дастасоўнай урбаністыкі, 1998),
вывучаў архітэктуру ў RWTH Aachen University of Technology і University College of Portsmouth, а таксама працаваў у якасці незалежнага архітэктара ў Кёльне і Берліне.

Выкладаў архітэктуру ў якасці асістэнта прафесара ў Тэхнічным універсітэце Берліна (Technische Universität Berlin), Дэпартамент структурнага праектавання (Department of Structural Design), дзе праводзіў даследаванні і вёў курсы па інавацыйных метадах праектавання, працэсна-арыентаваных стратэгіях праектавання і кааператыўных жыллёвых праектах.

ДЫЯНА РАФАЛЬСКАЯ


ПАВЕЛ НІШЧАНКА
Архітэктарка, архітэктурны факультэт БНТУ 2012; суарганізатарка Першага Мінскага Архітэктурнага Форума, выкладчыца малявання для дзяцей і дарослых.

Інтарэсы: Урбанізм, дызайн асяроддзя, гендар. Дыпломная праца на кафедры вытворчых будынкаў на тэму: Інавацыйны цэнтр на базе энергаашчадных тэхналогій.

Практычны досвед: Праектаванне вытворчых і грамадскіх будынкаў (2012-2016); праектаванне і будаванне малапавярховых жылых будынкаў ( з 2016); распрацоўка дызайну інтэр'ераў і дабраўпарадкавання (з 2017).

Удзел у сацыяльных праектах: выкладанне малявання з 2017 у Творчых майстроўнях Галерэі сучаснага мастацтва Ў, Майстэрні Добрай Справы для людзей з аўтызмам, Цэнтры актыўнага даўгалецця.
Гарадскі планавальнік, дыплом архітэктара АФ БНТУ (Мінск,2012), дыплом магістра горадабудаўніцтва АФ БНТУ (Мінск,2013). Тэма дыплома і магістарскай працы: фарміраванне сістэмы транспартна-грамадскіх цэнтраў у Мінску.


З 2011-2018 працаваў у праектным інстытуце "Мінскграда", дзе займаўся распрацоўкай праектаў дэталёвага планавання гарадскіх тэрыторый, канцэпцыйных праектаў рэканструкцыі, раздзела "Жылыя тэрыторыі" у складзе Генеральнага плана Мінска. По сумяшчальніцтву выкладаў у БНТУ на кафедры горадабудаўніцтва. Браў удзел у міжнародных варкшопах і семінарах, у 2016 праходзіў стажаванне ў ЗША на тэму "Urban Development and Transformation", скончыў школу візуалізацыі дадзеных "Інфаграфіка ТУТ".


З 2018 года працуе ў ГА "Мінскае роварнае грамадства" спецыялістам па развіцці велаінфраструктуры Мінска.
Вуліца Карла Маркса заўсёды была добра вядомая мінчукам і блізкая іх сэрцу. Гэтая ціхая вуліца, паралельная праспекту Незалежнасці, мае, мабыць, самую еўрапейскую атмасферу ў горадзе. Некалькі год таму, са з'яўленнем шумных гарадскіх святаў на праезнай частцы, перакрытай для машын на выходныя дні, яна стала прадвесніцай буйных урбаністычных трансфармацый, але пазней адстала ад прагрэсу (гл. матэрыял «Хочу тут жить: На Карла Маркса и Независимости люди спорят о комфорте проживания»). Кардынальна змяніліся спачатку вуліца Кастрычніцкая, потым Зыбіцкая, а не так даўно і Камсамольская. Карла Маркса ж засталася прыблізна ў тым выглядзе, у якім сустрэла пачатак эры новага стаўлення да грамадскіх прастор у Мінску, калі не сказаць, што на ёй адбыўся пэўны адкат назад.


Хоць рэканструкцыя вуліцы Камсамольскай і ёсць спрэчным праектам у плане ўстойлівасці ў сітуацыі змены клімату і экстрэмальных пагодных з'яў (гл. матэрыял «Вода в большом городе: старые ошибки на новой Комсомольской»), тым не менш, яна падае новы для Мінска тып вуліцы і спосаб яе арганізацыі: прастора супольнага выкарыстання (shared space, гл. матэрыял «Что такое улица Комсомольская в Минске?»). Аналагічнае вырашэнне магло б дазволіць нарэшце даць гораду тое, пра што даўно мараць гараджане і ўрбаністы: пешаходны гістарычны цэнтр, прытым з захаваннем яго актыўнасці і, ў абмежаванай ступені, — аўтамабільнай даступнасці на для мясцовых жыхароў.


Задача трансфармацыі вуліцы Карла Маркса ўключае дзве часткі. Першая — збор і аналіз дадзеных пра патрэбы мясцовых жыхароў і бізнесаў, якія тут знаходзяцца; праца па вызначэнні варыятыўных сцэнараў развіцця, якія апіраліся б на агульнае кампраміснае бачанне. Другое заданне палягае ў непасрэднай распрацоўцы праекта фізічнай трансфармацыі вуліцы, які павінен чуйна ўлічыць патрэбы жыхароў, транслюючы іх на мову дызайну. Важнай якасцю праекта павінна стаць яго стадыйнасць і гнуткасць, бо такія прыёмы праектавання новыя як для жыхароў горада, гэтак і для адміністрацыі і праектантаў. Праект па сутнасці будзе пошукавым, асобныя яго часткі выступаюць пілотнымі, а рэакцыя жыхароў на канкрэтныя вырашэнні павінна вывучацца і аналізавацца.
Горадабудаўнік і ўрбаніст, дыплом архітэктара АФ БНТУ (Мінск, 2014), дыплом магістра горадабудаўніцтва АФ БНТУ (Мінск, 2015), магістратура EUROREG Універсітэта Варшаўскага (Варшава, з 2017), член ISOCARP з 2015.

Асноўныя сферы інтарэсаў: стратэгічнае і сцэнарнае планаванне, дэліберацыйнае планаванне, тэорыя пазітыўнай змены ў гарадскім кантэксце.

Тэмай дыплома і магістарскай працы стала комплексная рэканструкцыя жылых утварэнняў. Браў удзел у рэспубліканскіх і міжнародных даследчых праектах. У 2018 удзельнічаў у арганізацыі канферэнцыі INURA "Footloose Warsaw", прайшоў праектную практыку ў кампаніі NDVR (Антвэрпэн, Бельгія).
ДЗМІТРЫ БІБІКАЎ
ЯЎГЕН ЛОЙКА
Спецыяліст па арыентаванні і навігацыі, горадабудаўнік, дыплом архітэктара АФ БНТУ (Мінск, 2014), дыплом магістра горадабудаўніцтва АФ БНТУ (Мінск, 2015).

Сфера інтарэсаў: транзітна-арыентаванае развіццё, сістэмы арыентавання і навігацыі. Тэмай дыпломнай працы стаў Транспартна-пасажырскі тэрмінал у Калінінградзе, магістарскай – інавацыйныя метады рэканструкцыі на прыкладзе вул.Няміга. У 2013 прайшоў практыку ў MLA+ (Ратэрдам, Нідэрланды). Цяпер працуе ў БАЭС ( Беларуская Асацыяцыя Экспертаў і Сюрвеераў на Транспарце)
Вуліца Карла Маркса для пешаходаў
Т'ютары
АНДРЭЙ ВАЗЬЯНАЎ
"Плэйсмэйкінг"
"Квалітатыўныя метады збору дадзеных пра горад"
ЗАПРОШАНЫЯ ЛЕКТАРЫ
антраполог,
Мінская урбаністычная платформа
(МІНСК, БЕЛАРУСЬ)
ГАННА СІПРЫКАВА
гарадская планавальніца,
NACTO, Project for Public Spaces
(НЬЮ-ЁРК, ЗША)
ТАЦЦЯНА ГАЛЬЧЕНЯ
"Устойлівае развіццё сістэмы харчовага забеспячэння горада Прага"
архітэктарка, урбаністка
(МІНСК, БЕЛАРУСЬ)
ЯНА САНЬКО
"Мапа досведу гараджаніна"
трэнер і кансультант у галіне чалавекаарыентаванага дызайну,,
UXPressia, сузаснавальніца супольнасці UX Connect
(МІНСК, БЕЛАРУСЬ)
МЕСЦА
Інстытут Гётэ,
вул. Веры Харужай 25/3,
Мінск, Беларусь
Калі вы хочаце стаць партнёрам ці спонсарам – звяжыцеся з намі minskurban@gmail.com
АРГАНІЗАТАРЫ
Made on
Tilda